* உழைத்து சம்பாதித்த பணத்தில் தர்மம் செய். உனக்கு நல்ல வாழ்க்கை அமையும்.

* பிறருடைய குற்றங்களை மன்னிப்பவன் மனிதன். அதே சமயத்தில் பிறருடைய குற்றங்களை மறப்பவன் தெய்வ நிலைக்கு உயர்வான்.

* புத்தியால் மனதை அடக்கினால், உனக்கு வெற்றி உறுதி.

* வாழ்க்கையில் பேராசை குணம் குறுக்கிட்டால், உனது அறிவு கெடும்.

* தர்மம் எங்கு உள்ளதோ, அங்குதான் கடவுளும் இருப்பார்.

* நல்ல எண்ணங்கள்தான் நல்ல மனிதர்களை உருவாக்குகின்றன.

* தர்மம் வகுத்த வழியில் பணம் தேடு. வேதம் விதித்த வழியில் வாழ்க்கை நடத்து.

* கடவுளை சரணடைவதே, நீ கல்வி கற்றதன் பயனாகும்.

* பிறவி குணம் என்பது எப்போதும் ஒருவரை விட்டு அகலவே அகலாது.

* வேதாந்தம் என்பது உண்மை. உண்மை என்பது அடக்கம்.

* தர்மத்தில் நம்பிக்கை கொள். அப்போதுதான் உனக்கு வாழ்வில் ஒரு பிடிப்பு ஏற்படும்.

* ஒழுக்கமுள்ள வாழ்க்கையை அமைத்துக் கொண்டால் உனக்கு நற்கதி உண்டு.

* யாரிடமும் வீணாக பேசாதே. கடவுளின் பெயரை சொல்.

* கோபத்தைக் கைவிடு. உனக்கு துன்பமே வராது.

நம்பிக்கை தருகிறார் வியாசர்