ஆனித் திருமஞ்சனம் காணும் நடராஜர் ஆனந்த நடனம் ஆடுவது ஏன்?

சிவனின் நடனத்தைக் காண வியாக்ரபாதர், பதஞ்சலி முனிவர்கள் சிதம்பரத்தில் தவம் செய்து வந்தனர்.

அவர்களுக்கு நடன தரிசனம் அருள சிவன் இசைந்தார்.

இதனை அறிந்த இந்திராதி தேவர்கள், பிரம்மா, விஷ்ணு, லட்சுமி, சரஸ்வதி என அனைவரும் கூடினர்.

அங்கே பேரொளி ஒன்று தோன்றி நந்தீகேஸ்வரர் தன் பொற்பிரம்புடன் வந்தருளினார்.

கருணையே வடிவான சிவன் நடராஜராகவும், தாய் பார்வதி சிவகாமசுந்தரியாகவும் காட்சியளித்தனர்

சிவசிவ என்று கோஷமெழுப்பி அனைவரும் கரம்குவித்து நின்றனர்.

நடராஜர் புலித்தோல் உடுத்தி, உடுக்கை, அனல், மான், மழு, நாகாபரணம் அணிந்து நின்றார்.

டமருகத்தை அடித்தும், அக்னி ஏந்தியும், ஒருகையால் அபயம் அளித்தும், மறுகையால் பாதத்தைக் காட்டியும் நடனமாடினார்.

அவரின் சிவந்த சடைகள் எட்டுத்திக்கும் அசைந்தாடின.

இந்த நடன தரிசனத்தை இன்றும் நமக்கு சிதம்பரத்தில் வழங்கிக் கொண்டிருக்கிறார்.