ரவி மோகன் விருது விழாவில் கெனீஷாவின் இசை நிகழ்ச்சி

கேரள மாநிலம் பாலக்காட்டில் உள்ள பழையகாவு ஸ்ரீமீன்குளத்தி பகவதி அம்மன் கோவிலில் ஆண்டு தோறும் 'உத்சவ்' விழா நடக்கும். இந்த நிகழ்ச்சியில் தேவஸ்தானம் நிறுவியுள்ள 'தேவி ரத்னாக' விருது, கலை, கலாச்சாரம் மற்றும் சமூக வாழ்க்கையில் சிறப்பான பங்களிப்பு செய்தவர்களுக்கு வழங்கப்படும்.

பொன்னியின் செல்வன் படத்தில் ரவி மோகன் வெளிப்படுத்திய சிறப்பான நடிப்பு, தமிழ் சினிமாவிற்கான அவரது முக்கிய பங்களிப்பு ஆகியவற்றுக்காக இந்த ஆண்டு நடந்த விழாவில் தமிழ் நடிகர் ரவி மோகனுக்கு 'தேவிரத்னா' விருது வழங்கப்பட்டது. அவருக்கு ஒரு லட்சத்து ஒரு ரூபாய் ரொக்கமும், விருது பட்டையமும் வழங்கப்பட்டது.

இந்த விழாவில் ரவி மோகனின் தோழியான கெனீஷாவின் இசை நிகழ்ச்சி நடந்தது. இந்த விழாவிற்கு கேரளா மற்றும் தமிழ்நாடு முழுவதும் இருந்து பக்தர்கள், சினிமா ரசிகர்கள் மற்றும் கலாச்சார ஆர்வலர்கள் கலந்து கொண்டனர்.