மே 28ல் அர்ஜுனின் பிளாஸ்ட் ரிலீஸ்

சுபாஷ் கே.ராஜ் இயக்கத்தில் அர்ஜுன் நடித்துள்ள படம் பிளாஸ்ட். ஏஜிஎஸ் கல்பாத்தி எஸ்.சுரேஷ் தயாரித்துள்ள இந்த படத்தில் அர்ஜுனுடன் அபிராமி, ப்ரீத்தி முகுந்தன், விவேக் பிரசன்னா, ஜான் கொக்கைன், அர்ஜுன் சிதம்பரம் ஆகியோர் முக்கிய வேடங்களில் நடித்துள்ளார்கள். ஆக் ஷன் கதையில் உருவாகியுள்ள இந்த படத்திற்கு பிளாஸ்ட் என்று டைட்டில் வைத்திருப்பதாக சமீபத்தில் ஒரு போஸ்டர் மூலம் அறிவித்தார்கள். இந்நிலையில் தற்போது இந்த படத்திற்கு சென்சார் போர்டு யுஏ சான்றிதழ் கொடுத்திருப்பதாக ஏஜிஎஸ் எண்டர்டைன்மென்ட் நிறுவனம் தங்களது எக்ஸ் பக்கத்தில் அறிவித்துள்ளார்கள். அதோடு படம் இம்மாதம் மே 28ல் வெளியாகிறது என தெரிவித்துள்ளனர்.