ஜூலை 17ல் அருள்வான் ரிலீஸ்
ADDED : 6 hours ago
தமிழில் தகராறு, வீர சிவாஜி, தேன் உள்ளிட்ட சில படங்களை இயக்கியவர் கணேஷ் விநாயகன். இவர் புதிதாக இயக்கி உள்ள படம் ‛அருள்வான்'. அருள்நிதி, ஆரவ், ரம்யா பாண்டியன், காளி வெங்கட், கிருத்திகா ஆகியோர் முதன்மை வேடத்தில் நடித்துள்ளனர். ஜிவி பிரகாஷ் இசையமைக்கிறார்.
இந்த படத்தை 90 பிக்சர்ஸ் எனும் நிறுவனம் தயாரிக்கின்றனர் . கடந்த சில மாதங்களாக நடந்து வந்த இதன் படப்பிடிப்பு முடிந்து மற்ற பணிகள் நடந்து வந்தன. இப்போது ஜூலை 17ம் தேதியன்று திரைக்கு வருகிறது என அறிவித்துள்ளனர். கிராமிய பின்னணியில் பீல் குட் படமாக தயாராகி உள்ளது.
அருள்நிதி நடிப்பில் இதற்கு முன் ‛ராம்போ' என்ற படம் நேரடியாக ஓடிடியில் வெளியானது. அடுத்து இவரது நடிப்பில் உருவாகி உள்ள ‛டிமான்டி காலனி 3' படம் செப்டம்பர் மாதம் திரைக்கு வரும் சூழலில் அதற்கு முன்னதாகவே ‛அருள்வான்' படம் ரிலீஸாக உள்ளது.