* நாட்டில் நல்லாட்சி நடைபெற வேண்டும். கருணையில்லாதவர், கொடியவர்களும் மக்களை ஆளக்கூடாது.

* பசி, நோய், கொடிய தவம் இவற்றால் உடலை பலவீனப்படுத்தக் கூடாது. கிடைப்பதற்கு அரிதான இந்த உடலைப் பேணி பாதுகாக்க வேண்டும்.

* பிறருடைய பசியையும், துன்பத்தையும் அகற்றுவது ஒருவருடைய கடமை ஆகும்.

* கடவுள் கற்பனைக்கு எல்லாம் அப்பாற்பட்டவர். அவரை நம் கற்பனைக்குள் கட்டுப்படுத்த முடியாது.

* ஒழுக்கத்திற்கு ஜீவகாருண்யமே அடிப்படை. கருணை இல்லாவிட்டால் ஒழுக்கம் இல்லை.

* யார் நமக்கு துன்பம் இழைத்தாலும், அஞ்சாமல் வாழ வேண்டும்.

* பிறர் தயவை நாடி ஒருபோதும் பிச்சை எடுத்து வாழ்வது கூடாது. அதே சமயம், நம் தயவை நாடி வருவோருக்கு மறுக்காமல் கொடுத்து உதவ வேண்டும்.

* நல்லவரைக் கெட்டவராகவும், கெட்டவரை நல்லவராகவும் திரித்துக் கூறுவது உலக மக்களின் இயல்பு.

- வள்ளலார்