அரசன் செட்டுக்கு வந்த பிரியங்கா மோகன்

மேட் இன் கொரியா படத்திற்கு பிறகு கவின் நடிக்கும் ஒன்பதாவது படத்தில் கமிட்டாகி இருக்கும் பிரியங்கா மோகன், தற்போது சிம்பு நடிப்பில் வெற்றிமாறன் இயக்கி வரும் அரசன் படத்தில் இணைந்திருக்கிறார். வடசென்னை கேங்ஸ்டர் கதையில் உருவாகி வரும் இதில் சிம்புவுடன் விஜயசேதுபதி, சமுத்திரக்கனி, யோகி பாபு, ஆண்ட்ரியா உள்ளிட்ட பலர் நடித்து வருகின்றனர். தற்போது பிரியங்கா மோகனும் அரசன் படத்தின் படப்பிடிப்பில் கலந்து கொண்டுள்ளார். இப்படத்தில் இரண்டு வேடங்களில் நடிக்கும் சிம்புவின் இளம் வயது கதாபாத்திரத்துக்கு ஜோடியாக வட சென்னை பெண்ணாக பிரியங்கா மோகன் நடிக்கிறாராம். அனிருத் இசையமைக்கும் இந்த படத்தை எஸ்.தாணு தயாரிக்கிறார். இந்த ஆண்டு தீபாவளிக்கு அரசன் திரைக்கு வரவுள்ளது.