எதிர்கால நிலவு வீடு

விஞ்ஞானிகள் நிலவில் தங்கி ஆய்வில் ஈடுபடுவதற்கு பிரத்யேக கண்ணாடி குமிழ்களை நிறுவ அமெரிக்காவின் நாசா விண்வெளி மையம் திட்டமிட்டுள்ளது. இது நிலவு மண், துாசியில் இருந்து தயாரிக்கப்படும். இது கோள வடிவில் அமைக்கப்படும். அகலம் 1000 - 1600 அடி இருக்கும். இது பாலிமர்களால் ஆன சிறப்பு கண்ணாடியால் உருவாக்கப்படும். இது சிறிய விண்கற்கள், நிலவில் ஏற்படும் நிலநடுக்கம் போன்றவற்றால் பாதிக்காத வகையிலும், இரும்பை விட வலிமையாகவும் இருக்கும். தேவையான மின்சாரம் சோலார் மூலம் பெறப்படும் என விஞ்ஞானிகள் தெரிவித்துள்ளனர்.