புதுச்சேரி அரசு ஆதி திராவிடர் நலம் மற்றும் பழங்குடியினர் நலத்துறையின் பரிந்துரையில் பேரில், ஆதி திராவிடர் மேம்பாட்டு வரைநிலைக் கழகத்தின் சார்பில், திருபுவனை தொகுதி, வம்புப்பட்டு கிராமத்தில் ரூ.15 லட்சம் செலவில் சாலை மேம்பாட்டு பணிக்கான பூமி பூஜை நடந்தது.

அங்காளன் எம்.எல்.ஏ., பூமி பூஜை செய்து பணியை துவக்கி வைத்தார். ஆதி திராவிடர் நலத்துறை இயக்குனர் இளங்கோவன், பேட்கோ மேலாண் இயக்குனர் சிவக்குமார், செயற்பொறியாளர் பக்தவச்சலம், இளநிலை பொறியாளர் திருவருட்செல்வன், ஒப்பந்ததாரர் தட்சணாமூர்த்தி உள்பட பலர் கலந்துகொண்டனர்.