புதுச்சேரி: புதுச்சேரியில் வழக்கத்திற்கு மாறான கால நிலை நிலவி வருகிறது. வழக்கமாக மாசி மாதம் பனி காலம். ஆனால் அதிகாலை நேரத்தில் மட்டுமே பனி பொழிவும், பகல் நேரத்தில் கடும் வெயில் நிலவி வருகிறது. அதுவும் காலை 8:00 மணிக்கே வெயில் அதிகரித்து விடுகிறது. பகல் நேரத்தில் சித்திரை மாத அக்னி நட்சத்திர வெயில்போல் சுட்டெரிக்கிறது.கோடை காலம் துவங்குவதிற்கு முன்பே வெயில் சுட்டெரிக்க துவங்கி விட்டதால் பகல் நேரத்தில் சுற்றுலா தளங்கள் வெறிச்சோடி கிடக்கிறது.