25வது போட்டியில் புதுச்சேரி போலீஸ் கிரிக்கெட் அணியும், புல்ஸ் லெவன் கிரிக்கெட் அணியும் மோதியது. முதலில் களம் இறங்கிய போலீஸ் அணி 20 ஓவர்களில் 9 விக்கெட் இழப்பிற்கு 192 ரன் எடுத்தது.

இதில் பிரபு 30 பந்துகளில், 8 பவுண்டரி, 3 சிக்ஸர் உடன் 63 ரன் எடுத்தார். சபரி 17 பந்துகளில் 32 ரன்களும், செல்வம் 13 பந்துகளில் 3 சிக்ஸர் உடன் 21 ரன் எடுத்தார். புல்ஸ் அணியின் லோகு, செல்வா, தினேஷ் தலா 2 விக்கெட் எடுத்தனர்.

பின்பு களம் இறங்கிய புல்ஸ் லெவன் அணி 20 ஓவரில் 8 விக்கெட் இழபற்பிற்கு 182 ரன் எடுத்தது. அனீஷ் 38 பந்துகளில் 5 பவுண்டரி, 6 சிக்ஸருடன் 72 ரன் எடுத்தார். சாரதி 31 பந்துகளில் 6 பவுண்டரி, 4 சிக்ஸருடன் 60 ரன் எடுத்தார்.

போலீஸ் அணி மதி 4 விக்கெட்களும், செல்வம் 2 விக்கெட்களை வீழ்த்தினார். 10 ரன் வித்தியாசத்தில் புதுச்சேரி போலீஸ் அணி வெற்றி பெற்று அரையிறுதி லீக் போட்டிக்கு தகுதி பெற்றது.

26வது போட்டியில் கோர்க்காடு அணியும், லாஸ்பேட்டை அணியும் மோதி யது. முதலில் களம் இறங்கிய கோர்க்காடு அணி 20 ஓவர்களில் 9 விக்கெட் இழப்பிற்கு 159 ரன் எடுத்தது. அந்த அணியின் சொக்கநாதன் 38 பந்துகளில் 8 பவுண்டரி, 2 சிக்ஸருடன் 61 ரன் எடுத்தார்.

விஜயராஜ் 22 பந்துகளில் 4 பவுண்டரி, ஒரு சிக்ஸருடன் 35 ரன் எடுத்தார். லாஸ்பேட்டை அணியின் அங்கப்பன் 4, முருகன் 2 விக்கெட் எடுத்தனர்.

பின்பு களம் இறங்கிய லாஸ்பேட்டை அணி 20 ஓவரில் 8 விக்கெட்கள் இழப்பிற்கு 127 ரன் எடுத்தது. அங்கப்பன் 26, தேவா 20 ரன் எடுத்தனர்.

பிரவீன் 3, வினோத் 2 விக்கெட்டுகள் எடுத்தனர். கோர்க்காடு அணி 32 ரன் வித்தியாசத்தில் வெற்றி பெற்று அரையிறுதி லீக் போட்டிக்கு தகுதி பெற்றது.

போட்டிக்கான ஏற்பாடுகளை, டோர்னமெண்ட் கமிட்டி சேர்மன் சந்திரசேகரன், நிர்வாகிகள் ஜில்பர்ட், பார்த்திபன், கணேஷ், அரவிந்த் செய்திருந்தனர்.