தேங்காயத்திட்டு பள்ளி மைதானத்தில் நடந்த விழாவை சபாநாயகர் செல்வம் துவக்கி வைத்தார். பாஸ்கர் எம்.எல்.ஏ., முன்னிலை வகித்தார். வித்யா பவன் பள்ளிக் குழுமத்தின் சேர்மன் ராஜசேகரன், ஒருங்கிணைந்த பள்ளி முதல்வர் ரேகா ராஜசேகரன் வரவேற்றனர்.

விழாவில் சபாநாயகர் செல்வம், பத்தாம் வகுப்பு மற்றும் பிளஸ் 2 பொதுத்தேர்வில் முதல் மூன்று இடங்களை பிடித்த மாணவர்களுக்கு பரிசு வழங்கி, பாராட்டினார்.

இந்தாண்டு எல்.கே.ஜி., முதல் பன்னிரெண்டாம் வகுப்பு வரை ஒவ்வொரு வகுப்பிலும் முதல் இடம் பிடித்த மாணவர்களுக்கும், 100 சதவீதம் வருகை தந்த மாணவர்களுக்கும் சான்றிதழ் வழங்கப்பட்டது.

ஆண்டு விழாவில் பரத நாட்டியம், நாடகம் உள்ளிட்ட கலை நிகழ்ச்சிகள் நடந்தது.