தர்மசாலாவில் நடந்த பஞ்சாப்-, டில்லி இடையிலான லீக் போட்டி (மே 8), இந்தியா, பாகிஸ்தான் போர் பதட்டம் காரணமாக பாதியில் கைவிடப்பட்டது. விமான நிலையம் மூடப்பட்டதால், இரு அணிகளை சேர்ந்த வீரர்கள், ரயில் மூலம் தர்மசாலாவில் இருந்து டில்லிக்கு அழைத்துவரப்பட்டனர். பல்வேறு அணிகளை சேர்ந்த வெளிநாட்டு வீரர்கள் தாயகம் திரும்பினர்.

பஞ்சாப் அணியின் தலைமை பயிற்சியாளர் ரிக்கி பாண்டிங்கும், சொந்த ஊருக்கு திரும்ப இருந்தார். போர் நிறுத்தப்படுவதாக அறிவித்த பின், தனது பயணத்தை ரத்து செய்து இந்தியாவிலேயே இருக்க முடிவு செய்தார். தற்போது டில்லியில் உள்ள பாண்டிங், பஞ்சாப் அணியை சேர்ந்த ஆஸ்திரேலியாவின் ஸ்டாய்னிஸ், ஜோஷ் இங்லிஸ், ஆரோன் ஹார்டி, சேவியர் பார்ட்லெட் ஆகியோரையும் இந்தியாவில் இருக்க வைத்துள்ளார். தென் ஆப்ரிக்காவை சேர்ந்த யான்சென் மட்டும் துபாய் சென்றுள்ளார்.

இதுகுறித்து பஞ்சாப் அணியின் தலைமை நிர்வாக அதிகாரி (சி.இ.ஓ.,) சதிஷ் மேனன் கூறுகையில், ''ஆஸ்திரேலிய வீரர்கள் தாயகம் திரும்ப தயாராக இருந்தனர். போர் பதட்டத்தில் இருந்த அவர்களை இந்தியாவில் இருக்க பயிற்சியாளர் பாண்டிங் சம்மதிக்க வைத்துள்ளார். இது, அவராமல் மட்டுமே சாத்தியம்,'' என்றார்.