இங்கிலாந்து செல்லவுள்ள இந்திய பெண்கள் அணி, ஐந்து 'டி-20' (ஜூன் 28, ஜூலை 1, 4, 9, 12), மூன்று ஒருநாள் போட்டிகள் (ஜூலை 16, 19, 22) கொண்ட தொடரில் பங்கேற்கிறது. இதற்கான இந்திய அணிக்கு சுழற்பந்துவீச்சு வீராங்கனை சுச்சி உபத்யாய் 20, தேர்வு செய்யப்பட்டிருந்தார். கடந்த மாதம் இலங்கையில் நடந்த முத்தரப்பு ஒருநாள் தொடரில் அறிமுகமான இவருக்கு, பெங்களூருவில் நடக்கும் பயிற்சி முகாமில் பங்கேற்ற போது இடது தாடையில் காயம் ஏற்பட்டது. இதனையடுத்து இங்கிலாந்து தொடரில் இருந்து விலகினார். இவருக்கு மாற்றாக இடது கை சுழற்பந்துவீச்சாளர் ராதா யாதவ் தேர்வு செய்யப்பட்டார்.