அமெரிக்காவில், கிளப் அணிகள் (32) பங்கேற்கும் 'பிபா' உலக கோப்பை 21வது சீசன் நடக்கிறது.

பிளடெல்பியாவில் நடந்த 'ஜி' பிரிவு லீக் போட்டியில் யுவன்டஸ் (இத்தாலி), வைதத் (மொராக்கோ) அணிகள் மோதின. இதில் யுவன்டஸ் அணி 4-1 என்ற கோல் கணக்கில் வெற்றி பெற்றது. யுவன்டஸ் அணிக்கு கெனான் (16, 69 வது நிமிடம்) 2 கோல் அடித்தார். பவுடவுய்ல் (6) 'சேம் சைடு' கோல் அடிக்க, விளகோவிச் (90+4) ஒரு கோல் அடித்தார். வைதத் அணிக்கு லார்ச் (25) ஆறுதல் தந்தார்.

இதே பிரிவில் நடந்த மற்றொரு போட்டியில் மான்செஸ்டர் சிட்டி அணி 6-0 என அல் அய்ன் அணியை சாய்த்தது. யுவன்டஸ், மான்செஸ்டர் சிட்டி அணிகள், தலா 2 வெற்றியுடன் 'ரவுண்ட்-16' சுற்றுக்கு முன்னேறின.

'எச்' பிரிவு லீக் போட்டியில் ரியல் மாட்ரிட் அணி, 3-1 என பச்சுவா அணியை சாய்த்தது. இதே பிரிவில் நடந்த ரெட் புல், அல் ஹிலால் அணிகள் மோதிய போட்டி கோல் எதுவுமின்றி 'டிரா' (0-0) ஆனது.