டில்லியில், தேசிய ரேங்கிங் டேபிள் டென்னிஸ் சாம்பியன்ஷிப் தொடர் நடந்தது. ஆண்கள் ஒற்றையர் பைனலில் பெட்ரோலிய விளையாட்டு மேம்பாட்டு வாரிய (பி.எஸ்.பி.பி.,) அணியின் சத்யன் ஞானசேகரன், மேற்கு வங்கத்தின் அங்கூர் பட்டாசார்ஜி மோதினர். சத்யன் 4-1 (11-5, 11-8, 11-13, 11-7, 11-9) என்ற கணக்கில் வெற்றி பெற்று சாம்பியன் பட்டம் வென்றார்.

பெண்கள் ஒற்றையர் பிரிவு பைனலில் ரிசர்வ் வங்கி (ஆர்.பி.ஐ.,) அணியின் தியா சிதாலே, ரயில்வே அணியின் சுதிர்தா முகர்ஜி மோதினர். இதில் தியா 4-0 (11-9, 11-7, 11-9, 11-6) என வெற்றி பெற்று சாம்பியன் பட்டத்தை தட்டிச் சென்றார்.

'யூத்' (19 வயது) ஆண்கள் ஒற்றையர் பிரிவு பைனலில் தமிழகத்தின் அபினந்த் 4-1 (11-7, 9-11, 12-10, 11-8, 14-12) என, மேற்கு வங்கத்தின் ஒய்ஷிக் கோஷை வீழ்த்தி சாம்பியன் ஆனார்.

'யூத்' (19 வயது) பெண்கள் ஒற்றையர் பிரிவு பைனலில் தமிழகத்தின் ஹன்சினி 4-0 (11-4, 11-3, 14-12, 11-4) என, மகாராஷ்டிராவின் ஜெனிபரை வீழ்த்தி சாம்பியன் பட்டம் வென்றார்.