இந்தாண்டு தை கிருத்திகை சிறப்பு விழா இன்றும், நாளையும் நடைபெறுகிறது.

விழாவையொட்டி கோவில் திருமண மண்டப வளாகத்தில், முருகப்பெருமானின் அறுபடை வீடுகளை போற்றும் விதமாக அறுபடை வீடு அரங்குகள் கண்காட்சி, அன்னதானம், பட்டிமன்றம் பரதநாட்டியம், பக்தி இன்னிசை நிகழ்ச்சிகள், இன்று மாலை 6:00 மணி முதல், நாளை இரவு 8:00 மணி வரை நடைபெறுகிறது .

இன்று, மாலை 6:00 மணியளவில் சிறுகுறு மற்றும் நடுத்தர தொழில் நிறுவனங்கள் துறை அமைச்சர் அன்பரசன் அறுபடை வீடு அரங்குகள் கண்காட்சியை துவக்கி வைக்கிறார்.

நாளை, காலை 7:00 மணியளவில், ஹிந்து சமய அறநிலையத் துறை அமைச்சர் சேகர்பாபு, ஒரு நாள் முழுதும் நடைபெறும் அன்னதானம் வழங்கும் நிகழ்ச்சியை துவக்கி வைக்கிறார்.

விழாவிற்கான ஏற்பாடுகளை கந்தசுவாமி கோவில் நிர்வாகம் செய்து வருகிறது.