சென்னை மாநகரில், தீவுத்திடல்; கொளத்துார் மாநகராட்சி விளையாட்டு மைதானம்; பெரம்பூர் முரசொலிமாறன் மேம்பாலப் பூங்கா; ராயபுரம் ராபின்சன் விளையாட்டு மைதானம்; மயிலாப்பூர் நாகேஸ்வரராவ் பூங்கா, செம்மொழிப் பூங்கா; நுங்கம்பாக்கம் மாநகராட்சி விளையாட்டு திடல்; திருவல்லிக்கேணி பாரத சாரண சாரணியர் திடல்; தி.நகர் நடேசன் பூங்கா எதிரில் உள்ள மாநகரா்டசி மைதானம்; பெசன்ட் நகர் எலியட்ஸ் கடற்கரை; திருவான்மியூர் கடற்கரை; சைதாப்பேட்டை மாநகராட்சி ஆண்கள் மேல்நிலைப்பள்ளி மைதானம்; கே.கே.நகர் சிவன் பூங்கா; வளசரவாக்கம் பழனியப்பா நகர் லேமேக்ஸ் பள்ளி வளாகம்; அண்ணா நகர் கோபுரப் பூங்கா; கோயம்பேடு ஜெய்நகர் பூங்கா; அம்பத்துார் எஸ்.வி., விளையாட்டு மைதானம்; எழும்பூர் அரசு அருங்காட்சியகம் என, 18 இடங்களில், இன்று முதல் 17 ம் தேதி வரை, சென்னை சங்கமம் - நம்ம ஊரு திருவிழா நடக்க உள்ளது. தினமும் மாலை 6:00 மணி முதல் இரவு 9:00 மணி வரை விழா நடக்கும்.

விழாவில், செவ்வியல் பாடல்கள், நாட்டுப்புறப் பாடல்கள், காணா பாட்டு, ராப் இசை, இருளர் பாட்டு, காணிக்காரன் பாட்டு, நையாண்டி மேளம், கரகாட்டம், பறையாட்டம், புரவி, காளை, மயிலாட்டம், பம்பையாட்டம், படுகர் நடனம், துடும்பு, மகுடம், சிலம்பாட்டம், கொம்பு, தாரை, ஆலியாட்டம், சேவையாட்டம், கும்மியாட்டம், ஜிக்காட்டம் போன்ற கலை நிகழ்ச்சிகள் நடக்கும்.

நேற்று சென்னை தீவுத்திடலில் நடந்த விழாவில், சென்னை சங்கமம், நமம ஊரு திருவிழாவை, முதல்வர் ஸ்டாலின் துவக்கி வைத்து, கலை நிகழ்ச்சிகளை பார்த்து ரசித்தார். விழாவில், அமைச்சர்கள், எம்.பி.,க்கள், எம்.எல்.ஏ.,லக்கள் மற்றும் உயர் அதிகாரிகள் கலந்து கொண்டனர்.