மாநில அளவிலான வாலிபால் சாம்பியன்ஷிப் போட்டி, வேலுார் வி.ஐ.டி.,யில், இம்மாதம் 27ல் துவங்கி, 30ம் தேதி வரை நடக்க உள்ளது.

போட்டியில், சென்னை உட்பட மாநில முழுதும் இருந்து அணிகள் பங்கேற்கின்றன.

இதில், சென்னை அணிக்கான சப் - ஜூனியர் வீரர், வீராங்கனையரை தேர்வு செய்யும் போட்டி, வரும் 21ம் தேதி, சென்னை மாவட்ட வாலிபால் சங்கம் சார்பில், சாந்தோமில் உள்ள செயின்ட் பீட்ஸ் பள்ளியில், மாலை 3:00 மணிக்கு நடக்கிறது.

இதற்கு, 2008 ஜன., 1ம் தேதிக்குப் பின் பிறந்த சிறுவர் - சிறுமியர், ஆதார் மற்றும் பிறப்பு சான்றுடன் நேரடியாக பங்கேற்கலாம்.

மேலும் விபரங்களுக்கு, 94448 42628, 98418 16778 என்ற எண்களில் தொடர்பு கொள்ளலாம் என, சென்னை மாவட்ட வாலிபால் சங்க செயலர் ஸ்ரீகேசவன் தெரிவித்தார்.