பசுமை தீர்ப்பாய நீதிபதி புஷ்பா சத்யநாராயணா, நிபுணர் குழு உறுப்பினர் சத்யகோபால் ஆகியோர் பிறப்பித்துள்ள உத்தரவு:

அம்பத்துார் ஆவின் பால் பண்ணையில் கழிவுநீர் சுத்திகரிப்பு நிலையம் ஓரளவு மட்டுமே செயல்படுவதாக ஒப்புக் கொண்டுள்ள ஆவின் நிறுவனம், 'ஜனவரி இறுதிக்குள் கழிவுநீர் சுத்திகரிப்பு நிலையம் முழுமையான செயல்பாட்டிற்கு கொண்டு வரப்படும்' என தெரிவித்துள்ளது.

ஆனால், ஆவின் சார்பில் ஆஜரான வழக்கறிஞர், 'தற்போதுள்ள கழிவுநீர் சுத்திகரிப்பு நிலையத்தை புதுப்பித்து அங்கு உருவாகும் கழிவுகளை கையாள இன்னும் 4 - 5 மாதங்களாகும்.

சோழிங்கநல்லுார் ஆவின் பிரிவுக்கு கழிவுநீர் கொண்டுச் செல்லப்பட்டு சுத்திகரிக்கப்படுகிறது' என்றார். ஆவின் அரசு நிறுவனம் என்பதால் பணிகளை விரைவாக முடிக்க வேண்டும். கொரட்டூர் ஏரிக்கு செல்லும் கால்வாயில் கழிவுநீர் விடப்படாது என்பதை உறுதி செய்ய வேண்டும்.

அம்பத்துார் ஆவின் பால் பண்ணையில் மீண்டும் ஆய்வு செய்து, கழிவுநீர் எவ்வாறு அகற்றப்படுகிறது; குறைபாடுகள் உள்ளதா என்பது குறித்து, தமிழ்நாடு மாசு கட்டுப்பாட்டு வாரியம் அறிக்கை தாக்கல் செய்ய வேண்டும். 35 கி.மீ., தொலைவுக்கு கழிவுநீரை கொண்டுச் செல்வது சாத்தியம்தானா என்பதையும் ஆராய வேண்டும்.

இவ்வாறு உத்தரவிட்டுள்ளது