ஆந்திர பிரதேசம் வலுத்துாக்கும் சங்கம் சார்பில், தென்னிந்திய அளவிலான வலுத்துாக்கும் போட்டி, ஆந்திராவில் கடந்த 19ல் துவங்கி 21ல் நிறைவடைந்தது. இதில், சப் - ஜூனியர், ஜூனியர், சீனியர் ஆகிய பிரிவுகளில் இருபாலருக்கும் நடந்தது. போட்டியில், தென்னிந்திய அளவில் 500க்கு மேற்பட்டோர் பங்கேற்றனர். ஒவ்வொரு பிரிவிலும், 'பெஞ்ச் பிரஸ்' மற்றும் 'டெட் லிப்ட்' மற்றும் 'ஸ்குவாட்' ஆகிய மூன்று பிரிவுகளில் போட்டிகள் நடத்தப்பட்டன.

அனைத்து போட்டிகள் முடிவில், சப் - ஜூனியர் பிரிவில், சென்னையைச் சேர்ந்த சந்தோஷ் மற்றும் நிர்மல் வெற்றி பெற்று தங்கம் வென்றனர். ஜூனியர் பிரிவில், சென்னையைச் சேர்ந்த மகாலாட்சுமி வெண்கலம் பதக்கம் வென்றார். சீனியர் பிரிவில் சென்னை வீரர் பிரதாப் வெள்ளி பதக்கம் வென்று அசத்தினார்.