ஆனைமலை ஒழுங்குமுறை விற்பனை கூடத்தில், கண்காணிப்பாளர் செந்தில்முருகன் தலைமையில் கொப்பரை ஏலம் நடந்தது.முதல் தர கொப்பரை, 68 மூட்டைகள் ஏலம் விடப்பட்டதில், கிலோவுக்கு, 245 முதல், 253 ரூபாய் வரை விலை கிடைத்தது.

இரண்டாம் தர கொப்பரை, 112 மூட்டைகள் ஏலம் விடப்பட்டதில், கிலோவுக்கு, 92.76 ரூபாய் முதல், அதிகபட்சமாக 218.50 வரை விலை கிடைத்தது.

தேங்காய் விளைச்சல் குறைந்து, கொப்பரை உற்பத்தி குறைந்த நிலையில், ஏலத்துக்கு கொண்டு வரப்பட்ட கொப்பரைக்கு அதிகபட்ச விலை கிடைத்துள்ளது.

மொத்தம், 180 கொப்பரை மூட்டைகளை, 31 விவசாயிகள் கொண்டு வந்தனர்; ஐந்து வியாபாரிகள் ஏலத்தில் பங்கேற்றனர்.

இந்த வாரம், 15.73 லட்சம் ரூபாய் மதிப்பிலான மொத்தம், 85.05 குவிண்டால் கொப்பரை ஏலத்துக்கு கொண்டு வரப்பட்டன. இத்தகவலை, விற்பனை கூட கண்காணிப்பாளர் தெரிவித்தார்.