பள்ளி ஆலோசகர்கள் தெளிவாகவும், பொறுமையாகவும் அனைத்து சந்தேகங்களுக்கும் பதில் அளித்தனர். புதிய கல்விமுறையை நான் எப்படி சொல்லிக்கொடுக்க முடியும் என்ற பயமும் இருந்தது; இந்நிகழ்ச்சிக்கு வந்ததால், குழந்தைகளின் பள்ளி கல்விக்கு சரியான முடிவை மேற்கொள்ள தன்னம்பிக்கை கிடைத்துள்ளது.

மகேந்திரன் விஜய், பவித்ரா, சூலுார்: எங்கள் குழந்தைக்கு, 18 மாதங்கள் ஆகின்றது. எந்த பள்ளியில் சேர்க்கவேண்டும்; கல்வி வாரியங்களின் வேறுபாடுகள் என்ன என்பது குறித்து இப்போதே அறிந்துகொள்ள வேண்டும் என இந்நிகழ்ச்சிக்கு வந்தோம். வெறும் மதிப்பெண்கள் மட்டும் எடுக்க வழிகாட்டும் பள்ளியாக அல்லாமல்; தனித்திறன்களை மேம்படுத்தும் பள்ளியாக இருக்கவேண்டும் என்பதில் தெளிவாக உள்ளோம். இங்கு, பல பள்ளிகளின் அரங்குகளை பார்வையிட்டோம். ஒவ்வொரு பள்ளி குறித்தும், மாணவர்களுக்கு அளிக்கும் பயிற்சிகள், கட்டண விபரங்கள், சேர்க்கை செயல்பாடுகளை தெரிந்துகொண்டோம்.

ராஜ்குமார், சாய்பாபகாலனி: என் மகளை ஐந்தாம் வகுப்பில் இருந்து, ஆறாம் வகுப்பில் சேர்க்கவுள்ளேன். பள்ளிகள் சார்ந்த சில தகவல்களை தெரிந்துகொள்ளும் வகையில் வந்தேன். ஒவ்வொரு பள்ளிகளும் பொறுமையாக அனைத்து தகவல்களையும் அளித்தனர். மிகவும் பயனுள்ள இந்நிகழ்ச்சியில், டயர் -1 பள்ளிகள் அதிகளவில் உள்ளன; மண்டலம் வாரியாக டயர்-2 பள்ளிகளும் வரும் ஆண்டுகளில் சேர்த்தால் மேலும் பயனுள்ளதாக அமையும்.

பெனாசிரா பேகம், போத்தனுார்: பள்ளி வழிகாட்டி நிகழ்ச்சியில், ஒரே இடத்தில் அலைச்சல் இன்றி பல பள்ளிகளின் முழுமையான தகவல்கள் தெரிந்துகொள்ள முடிந்தது. பள்ளியின் கட்டமைப்பு, விடுதி வசதி, கட்டண விபரங்கள், தனித்திறன் பயிற்சிகள் என அனைத்து தகவல்களையும் தெரிந்து; சில பள்ளிகளை தேர்வு செய்துள்ளோம். நேரில் ஒரு முறை பார்த்து அட்மிஷன் போடவுள்ளோம்.