மாணவியருக்கான முதல் அரையிறுதியில், ஏ.ஆர்.சி. பள்ளி அணியும், நரசிம்மநாயக்கன்பாளையம் அரசு பள்ளி அணியும் (என்.எஸ்.என்.) மோதின. இதில், 13-2 என்ற புள்ளிகளில் என்.எஸ்.என்., அணி வெற்றி பெற்றது. இரண்டாம் அரையிறுதியில், ஜி.கே.டி. பள்ளி அணி, 13-4 என்ற புள்ளிகளில் என்.எஸ். மெட்ரிக் பள்ளி அணியை வீழ்த்தியது.

இறுதிப்போட்டியில் என்.எஸ்.என். அணி, 11-3 என்ற புள்ளிகளில் ஜி.கே.டி. பள்ளி அணியை வீழ்த்தி, முதலிடம் பிடித்தது. மூன்று மற்றும் நான்காம் இடத்துக்கான போட்டியில், என்.எஸ் மெட்ரிக் பள்ளி அணியும், ஏ.ஆர்.சி. பள்ளி அணியும் மோதின. இதில், 4-2 என்ற புள்ளிகளில் ஏ.ஆர்.சி. அணி வெற்றி பெற்றது.

மாணவர்களுக்கான முதல் அரையிறுதியில், ஜி.கே.டி. அணி, 10-4 என்ற புள்ளிகளில் என்.எஸ்.என். அணியை வென்று இறுதிப்போட்டிக்கு தகுதி பெற்றது. இரண்டாவது அரையிறுதியில், பயனீர் பள்ளி அணி, 18-9 என்ற புள்ளிகளில் நேஷனல் மாடல் பள்ளி அணியை வென்றது.

இறுதிப்போட்டியில், ஜி.கே.டி. பள்ளி அணி, 22-21 என்ற புள்ளிகளில் பயனீர் பள்ளி அணியை வென்று முதலிடத்தை தட்டியது. என்.எஸ்.என். பள்ளி அணி, 12-9 என்ற புள்ளிகளில் நேஷனல் மாடல் பள்ளி அணியை வென்று மூன்றாம் இடம் பிடித்தது. வெற்றி பெற்ற அணிகளுக்கு பரிசுகள் வழங்கப்பட்டன.