மகாத்மா காந்தி தேசிய ஊரக வேலை உறுதி திட்டத்தில், கடந்த 2024 ஏப். 1 முதல், 2025 மார்ச் 31 முடிய, குப்பே பாளையம் ஊராட்சியில் செய்யப்பட்ட பணிகள் கடந்த மூன்று நாட்களாக சமூக தணிக்கை செய்யப்பட்டது. செய்யப்பட்ட பணிகள் அளவீடு எடுக்கப்பட்டன. ஆவணங்கள் ஆய்வு செய்யப்பட்டன.

இதையடுத்து தணிக்கை அறிக்கை தயாரிக்கப்பட்டது. இன்று காலை 11:00 மணிக்கு, குப்பே பாளையம் ஊராட்சியில் பச்சாபாளையத்திலும் சிறப்பு கிராம சபை கூட்டம் நடக்கிறது.

இதில் கடந்த ஓராண்டில் செய்யப்பட்ட பணி, ஒதுக்கப்பட்ட நிதி, கண்டறியப்பட்ட ஆட்சேபனைகள், சமூக தணிக்கை அறிக்கையில் வாசிக்கப்படுகிறது.

பொதுமக்கள் பங்கேற்க ஊரக வளர்ச்சித் துறையினர் அழைப்பு விடுத்துள்ளனர்.