மறைந்த முன்னாள் முதல்வர் கருணாநிதியின் நுாற்றாண்டு விழாவை முன்னிட்டு, வால்பாறை நகராட்சிக்கு உட்பட்ட பகுதியில் மூன்று மையங்களில் முதல்வரின் காப்பீட்டு திட்ட முகாம் நடக்கிறது.

வால்பாறை நகராட்சி சமுதாயக்கூடத்தில் நாளை, 20ம் தேதி நடக்கும் முகாமில், 1 - 4, 9, 11, 12, 16 ஆகிய வார்டுகளை சேர்ந்த மக்கள் கலந்து கொள்ளலாம். அதே நாளில், அரசு மேல்நிலைப்பள்ளியில் நடக்கும் முகாமில், 5 - 8, 18 ஆகிய வார்டுகளை சேர்ந்த மக்கள் கலந்து கொள்ளலாம்.

வரும், 21ம் தேதி நகராட்சி சமுதாயக்கூடத்தில் நடக்கும் முகாமில், 10, 13 - 15, 17, 19 - 21 ஆகிய வார்டுகளை சேர்ந்த மக்கள் கலந்து கொள்ளலாம். முகாமில் கலந்து கொள்பவர்கள் ரேஷன் கார்டு, வருமான சான்றிதழ், குடும்பத்தில் உள்ளவர்களின் ஆதார் அட்டை நகல்களுடன் பங்கேற்க வேண்டும்.

தாசில்தார் வாசுதேவன் கூறுகையில், ''மாவட்ட கலெக்டரின் உத்தரவின் பேரில், வால்பாறை நகராட்சிக்கு உட்பட்ட பகுதியில் வசிக்கும் மக்கள் பயன்பெறும் வகையில், மூன்று கட்டமாக முகாம் நடக்கிறது.

இது தவிர, சிறு மற்றும் நடுத்தர தொழில் செய்வோருக்கான கடன் உதவி முகாம், தமிழ்நாடு ஆதிதிராவிட வீட்டு வசதி மற்றும் தாட்கோ, பிரதமர் வேலைவாய்ப்பு உருவாக்கும் திட்டம், பிரதமரின் உணவு பதப்படுத்தும் குறுநிறுவனங்களை முறைப்படுத்தும் திட்டம் தொடர்பான முகாமிலும்பொதுமக்கள் பயன்பெறலாம்,'' என்றனர்.