பொள்ளாச்சி மாரியம்மன் கோவில் தேர்த்திருவிழா ஆண்டுதோறும் கோலாகலமாக கொண்டாடப்படுகிறது. நடப்பாண்டு திருவிழா, வரும், 13ம் தேதி நோன்பு சாட்டுதலுடன் துவங்குகிறது.

வரும், 19ம் தேதி இரவு, அணி எடுப்பு நிகழ்ச்சி நடக்கிறது. 20ம் தேதி இரவு, 9:00 மணிக்கு கரியகாளியம்மன் அபிேஷகம், இரவு, 11:00 மணிக்கு கம்பம் நடுதல், 21ம் தேதி காலை, 6:00 மணிக்கு கரியகாளியம்மனுக்கு மாவிளக்கு எடுத்தல், வரும், 23ம் தேதி இரவு, கரியகாளியம்மன் கடைசிநாள் அபிேஷகம் நடக்கிறது.

வரும், 27ம் தேதி இரவு, 9:00 மணிக்கு பூவோடு வைத்தல், மார்ச் 1ம் தேதி, வெளிப்பூவோடு ஆரம்பம், இரவு, 11:00 மணிக்கு கிராம சாந்தி நிகழ்ச்சி நடக்கிறது. மார்ச்., 2ம் தேதி காலை, 10:30 மணிக்கு கொடி கட்டுதல், மார்ச் 3ம் தேதி மாலை, 6:00 மணிக்கு ஏ.பி.டி., பூவோடு நிகழ்ச்சி நடக்கிறது. அதன்பின், தினமும் இரவு பொதுமக்கள் பூவோடு வழிபாடு நடக்கிறது. 4ம் தேதி காலை, 9:00 மணிக்கு ஆயக்கால் போடுதல் நிகழ்ச்சி நடக்கிறது.

மார்ச் 5ம் தேதி காலை, 9:00 மணிக்கு மகுடம் வைத்தல் பூஜை, 6ம் தேதி காலை, மாவிளக்கு, மாரியம்மனுக்கு திருக்கல்யாண உற்சவம் நடக்கிறது. அன்று, இரவு, 7:00 மணிக்கு முதல் நாள் தேரோட்டம் நடக்கிறது. மார்ச் 7ம் தேதி இரவு, இரண்டாம் நாள் தேரோட்டம், 8ம் தேதி இரவு, மூன்றாம் நாள் தேரோட்டமும், தேர்நிலைக்கு வருதல், தெப்பத்தேர் வைபவம் நடக்கிறது.

மார்ச் 9ம் தேதி காலை, 8:30 மணிக்கு, அம்மன் மஞ்சள் நீராடுதல், இரவு, 9:00 மணிக்கு கம்பம் எடுத்தல்; 11ம் தேதி இரவு மஹா அபிேஷகமும் நடக்கிறது.