கடலுார் அடுத்த குட்டியாங்குப்பத்தை சேர்ந்தவர் இளையராஜா. இவரை கடந்த 2017ம் ஆண்டு ஜூலை 21ம் தேதி முன்விரோதம் காரணமாக அதே பகுதியை சேர்ந்த பிரசாத் திட்டினார்.

இதனை, இளையராஜாவின் தம்பி நாகராஜ், 32; தட்டிக்கேட்டார். அப்போது, பிரசாத் மற்றும் அவரது தரப்பினர் உருட்டு கட்டையால் தாக்கி கொலை மிரட்டல் விடுத்தனர். தடுக்க வந்த இளையராஜாவையும் தாக்கினர்.

இதுகுறித்த புகாரின் பேரில், துாக்கணாம்பாக்கம் போலீசார் வழக்குப் பதிந்து பிரசாத், 28; குட்டியாங்குப்பம் பிரகலாதன், 26; முள்ளிகிராம் பட்டு விக்கி, 26; ஆகியோரை கைது செய்தனர்.

இவ்வழக்கு விசாரணை கடலுார் மாஜிஸ்திரேட் கோர்ட்டில் (எண் 1) நடந்தது. வழக்கை விசாரித்த மாஜிஸ்திரேட் வனஜா, பிரகலாதனுக்கு 1 ஆண்டு சிறை விதித்து தீர்ப்பு கூறினார்.

பிரசாத் மற்றும் விக்கி இருவருக்கம் அபராதம் விதிக்கப்பட்டது.