திண்டுக்கல் மணிக்கூண்டு வெள்ளை விநாயகர் கோயிலில் காலை 7:00 மணிக்கு பால், பழம், பன்னீர் உள்ளிட்ட 16 வகையான சிறப்பு அபிஷேகம், கணபதி ஹோமம், சிறப்பு அலங்காரம் நடைபெற்றது.

கோபாலசமுத்திரம் 108 நன்மை தரும் விநாயகர் கோயிலில் சிறப்பு அபிஷேகம், அலங்காரம் நடைபெற்றது.

திரளான பக்தர்கள் கலந்து கொண்டனர். ரயிலடி சித்தி விநாயகர், சவுராஷ்டிராபுரம் விநாயகர், வாணிவிலாஸ் மேடு கலைக்கோட்டு விநாயகர், ரவுண்ட்ரோடு கற்பக விநாயகர், கூட்டுறவு நகர் செல்வ விநாயகர், மாசிலமணிபுரம் வரசித்தி விநாயகர், வெற்றி விநாயகர் உட்பட திண்டுக்கல்லில் உள்ள அனைத்து விநாயகர் கோயில்களிலும் சிறப்பு வழிபாடுகள் நடந்தது.

நத்தம் : திருமலைக்கேணி சுப்பிரமணியசுவாமி கோயில் விநாயகருக்கு அருகம்புல்,ரோஜா, மல்லிகை, உள்ளிட்ட பல பூமாலைகள் செலுத்தபட்டு சிறப்பு பூஜைகளும், தீபாராதனைகளும் நடந்தது. இதைப் போலவே கோவில்பட்டி கைலாசநாதர் கோயிலில் உள்ள விநாயகர், குட்டூர் உண்ணாமுலை அம்பாள் கோயிலில் உள்ள வலம்புரி விநாயகர், பகவதி அம்மன் கோயிலில் உள்ள வெற்றி விநாயகர் சன்னதிகளிலும் வளர்பிறை சதுர்த்தியை முன்னிட்டு சிறப்பு பூஜைகள் நடந்தது.