இதையொட்டி பழநி கிழக்கு ரத வீதியில் உள்ள பெரியநாயகி கோயிலில் உள்ள கொடிகட்டி மண்டபத்தில் இன்று காலை 7:30 மணிக்கு கொடியேற்றம் நடக்கிறது. இரவு 7:00 மணிக்கு புதுச்சேரி சப்பரத்தில் வள்ளி -தெய்வானை முத்துக்குமாரசுவாமி எழுந்தருளி ரதவீதி உலா வருவர். விழா நாட்களில் தினமும் பல்வேறு வாகனங்களில் சுவாமி புறப்பாடும் நடைபெறும்.

ஆறாம் நாளான ஜன.24 இரவு 7:00 மணிக்கு வள்ளி,தெய்வ நாயகி அம்மன் சமேத முத்துக்குமார சுவாமி திருக்கல்யாணம், இரவு 9:00 மணிக்கு வெள்ளி ரதத்தில் சுவாமி புறப்பாடும் நடக்கிறது.

ஏழாம் நாளான ஜன. 25 மாலை 4:30 மணிக்கு தேரோட்டம், ஜன.28ல் இரவு 7:00 மணிக்கு தெப்பத்தேரோட்டம் நடக்கிறது. அன்றிரவு 11:00 மணிக்கு மேல் கொடி இறக்குதலுடன் தைப்பூச விழா நிறைவு பெறுகிறது.