அந்தியூர்:கர்நாடக மாநிலம் பெல்காம் மாவட்ட எல்லையில், மராத்தி மொழி தெரியாததால், அரசு பஸ் டிரைவர் தாக்கப்பட்டார். இதை கண்டித்து மாநிலம் முழுவதும் கன்னட அமைப்பினர் நேற்று பந்த்துக்கு அழைப்பு விடுத்திருந்தனர். ஆனால் அந்தியூர்-பர்கூர்-கர்கேகண்டி வழியாக கர்நாடக மாநிலத்துக்கு செல்லும் அரசு பஸ் மற்றும் சரக்கு வாகனங்கள் வழக்கம்போல் நேற்று சென்றன. கர்நாடக மாநிலம் சாம்ராஜ் நகர் மாவட்டம் மற்றும் மைசூரு ஆகிய பகுதியில் பந்த்தால் போக்குவரத்தும் பாதிக்கவில்லை என போலீசார் தெரிவித்தனர்.