ஈரோடு;கள்ளக்குறிச்சியில் விஷ சாராயம் குடித்த, 50க்கும் மேற்பட்டோர் பலியான சம்பவத்தை கண்டித்து, சூரம்பட்டி நால்ரோட்டில் தடையை மீறி, ஈரோடு தெற்கு மாவட்ட பா.ஜ.,சார்பில் நேற்று முன் தினம் ஆர்ப்பாட்டம் நடந்தது. அப்போது மகளிரணியினர் சாலை மறியலில் ஈடுபட்டனர். சிலர் முதல்வர் உருவ பொம்மையை பாடை கட்டி துாக்கி வந்தனர். இதனால் தடையை மீறிய, 200 பேரை போலீசார் கைது செய்தனர்.