அந்தியூர், அந்தியூர் அருகே பச்சாம்பாளையம் பஞ்., மக்களுக்காக, மக்களுடன் முதல்வர் முகாம் நேற்று நடந்தது. ஆதிதிராவிடர் நலத்துறை அமைச்சர் மதிவேந்தன், நலத்திட்ட உதவி வழங்கினார். முகாமில் பல்வேறு துறை சார்ந்த, 189 மனுக்கள் பெறப்பட்டன. இதேபோல் வெள்ளித்திருப்பூர் அருகே சனி சந்தையில் நடந்த முகாமில், 152 மனுக்கள், முனியப்பன்பாளையத்தில் நடந்த முகாமில், 162 மனுக்களும் பெறப்பட்டன. முகாம்களில் அந்தியூர் எம்.எல்.ஏ., வெங்கடாசலம், ராஜ்யசபா எம்.பி., அந்தியூர் செல்வராஜ் உட்பட பலர் கலந்து கொண்டனர்.