இதுகுறித்து மக்கள் கூறியதாவது: ஒரு வாரத்துக்கு முன் இப்பகுதியில், குடிநீர் குழாய்களை சரி செய்ய, மாநகராட்சி ஊழியர்கள் குழி தோண்டினர். அதன் அருகிலேயே கழிவு நீர் கால்வாய் செல்வதால், அதில் இருந்து வெளியேறும் கழிவுநீர், குடிநீர் குழாயில் வருகிறது. கவுன்சிலர் மற்றும் அதிகாரிகளிடம் தகவல் தெரிவித்தும் நடவடிக்கை இல்லை. இவ்வாறு கூறினர்.

இதுகுறித்து வார்டு கவுன்சிலர் சாந்தி கூறியதாவது: குடிநீர் குழாயில் சில நாட்களுக்கு முன் உடைப்பு ஏற்பட்டது. குழாயை சரி செய்து தண்ணீர் வினியோகம் செய்யப்பட்டது. அப்போது குடிநீரில் கழிவுநீர் கலந்து வருவதாக மக்கள் தெரிவித்தனர். குடிநீர் ஆப்பரேட்டர்களிடம் தெரிவித்துள்ளேன். உடனடியாக சரி செய்யப்படும். இவ்வாறு அவர் கூறினார்.