இதன்படி, 84.39 மீட்டர் நீளம், 34.50 மீட்டர் அகலம் கொண்ட செயற்கை ஓடுதளப்பாதை அமைக்கப்படுகிறது. ஏற்கனவே இருந்த ஓடுதளப்பாதைக்கு மாற்றாக, 2 மீட்டர் கிழக்கு புறமாக கூடுதலாக இணைப்பதன் மூலம், முழுமையாக, 400 மீட்டர் ஓடுதளப்பாதையும், 3 மீட்டர் இட வசதியுடன் கூடிய சுற்று வட்டமாக, 8 பாதை கொண்ட முழுமையான செயற்கை இழையால் ஆன ஓடுதளப்பாதையும், 100 மீட்டர் ஓடுதளம், 9 பாதைகளுடன் கூடிய இடவசதியும் கிடைக்கிறது. இதற்கான பணி தற்போது தீவிரமாக நடந்து வருகிறது. வரும் மார்ச் மாத இறுதிக்குள் பணி முடிந்து, பயன்பாட்டுக்கு வர வாய்ப்புள்ளது என்று, மாவட்ட விளையாட்டு அலுவலர் சதீஷ்குமார் தெரிவித்தார்.