கள்ளக்குறிச்சி அடுத்த க.மாமனந்தல் பகுதியில் கள் இறக்குவதாக போலீசாருக்கு நேற்று தகவல் கிடைத்தது. அதன்பேரில் சப் இன்ஸ்பெக்டர் விஜயராகவன் மற்றும் போலீசார் சம்பவ இடத்தில் சோதனை மேற்கொண்டனர். அப்போது கனியாமூரைச் சேர்ந்த சுரேஷ், 40; பெருமங்கலத்தைச் சேர்ந்த முருகன், 65; ஆகியோர் 'கள்' இறக்கி விற்பனைக்காக வைத்திருந்தது தெரிந்தது. உடன், இருவரையும் கைது செய்த போலீசார், அவர்களிடமிருந்த 1.25 லிட்டர் 'கள்,'மண்பானை, குடம், அருவா உள்ளிட்ட பொருட்களை பறிமுதல் செய்தனர்.