வேளாண் அறிவியல் மைய முனைவர் சஞ்சய் கூறுகையில், ''ஆடு, மாடு, கோழி வளர்ப்பு, பண்ணைக்குட்டை அமைத்து மீன் வளர்ப்பு, காளான் வளர்ப்பு, தேனீ வளர்ப்பு, காடு வளர்ப்பு போன்றவற்றிற்கு ஒரு புதிய அணுகுமுறை தேவைப்படுகிறது. அதாவது, பண்ணையத்தின் மொத்த வருமானத்தை அதிகரித்தல், ஆண்டு முழுவதும் தொடர்ந்து வருமானத்திற்கு வழி ஏற்படுத்துதல், விவசாய தொழிலாளர்களுக்கு தொடர்ந்து வேலைவாய்ப்பு அளித்தல், பண்ணை பொருட்கள், பண்ணை கழிவுகளை சிறிய முறையில் சுழற்சி செய்தல், பண்ணையில் கழிவு பொருட்களை மீண்டும் வயலில் இட்டு, நிலத்தின் வளம், மகசூலை பெருக்குவதோடு, உரச் செலவுகளை குறைப்பது போன்றவை, ஒருங்கிணைந்த பண்ணையமாகும்,'' என்றார்.