தொடர்ந்து ஓசூரில் நடந்த நிகழ்ச்சியில் அமைச்சர் சக்கரபாணி, மாவட்ட கலெக்டர் சரயு, கிருஷ்ணகிரி காங்., - எம்.பி., செல்லக்குமார், ஓசூர், தி.மு.க., - எம்.எல்.ஏ., பிரகாஷ், ஆகியோர் முன்னிலை வகித்து கட்டுமான பணிகளை துவக்கி வைத்தனர்.

தொடர்ந்து, அமைச்சர் சக்கரபாணி பேசுகையில், ''ஓசூரில் மக்கள் பயன்பெறும் வகையில் உயர்தர மருத்துவ சேவைகளை வழங்க, சுகாதாரம் மற்றும் குடும்ப நலத்துறை சார்பாக, 419 படுக்கை வசதிகளுடன், 22,395 சதுர மீட்டர் பரப்பளவில், 100 கோடி ரூபாய் மதிப்பில், ஓசூர் அரசு மருத்துவமனையை, மாவட்ட அரசு தலைமை மருத்துவமனையாக தரம் உயர்த்த, தமிழக முதல்வர் நடவடிக்கை எடுத்துள்ளார். 6 தளங்களுடன் அனைத்து வசதிகளுடன் உருவமாகும், மாவட்ட அரசு தலைமை மருத்துவமனையை, பொதுமக்கள் பயன்படுத்தி கொள்ள வேண்டும்,'' என்றார்.

ஓசூர் மாநகராட்சி மேயர் சத்யா, சப் கலெக்டர் பிரியங்கா, மாநகராட்சி துணை மேயர் ஆனந்தைய்யா, நலப்பணிகள் இணை இயக்குனர் பரமசிவம் மற்றும் பலர் கலந்து கொண்டனர்.