கர்நாடகா மாநிலம், பன்னார்கட்டா வனப்பகுதியில் இருந்து வெளியேறிய யானைகள் கூட்டம், தேன்கனிக்கோட்டை வனச்சரகத்தில் முகாமிட்டுள்ளன. இரவில் அங்கிருந்து வெளியேறும் யானைகள், விவசாய நிலங்களுக்குள் புகுந்து பயிர்களை சேதப்படுத்தி வருகின்றன. இந்நிலையில் நேற்று முன்தினம் இரவு, தேன்கனிக்கோட்டை - பஞ்சப்பள்ளி சாலையில் பேட்டராய சுவாமி கோவில் அருகே உள்ள குணசேகர் என்பவரது நிலத்திற்குள் புகுந்த யானைகள் கூட்டம், ஒரு ஏக்கரில் பயிரிடப்பட்டிருந்த காலிபிளவர் பயிர்களை சேதப்படுத்தின. வனத்துறைக்கு தகவல் தெரிவித்தும் யாரும் வராததால், விவசாயிகள் அதிருப்தி அடைந்துள்ளனர்.