பாராட்டு விழா

மதுரை: புதுார் அல்அமீன் மேல்நிலைப் பள்ளியில் தமிழர் ஆய்வு மையம் சார்பில் 'தமிழ் ஒளி' விருது பெற்ற மதுரை வாசகர் வட்டத் தலைவர் சண்முகவேலுவிற்கு பாராட்டு விழா நடந்தது. தலைமையாசிரியர் ஷேக் நபி தலைமை வகித்தார். தமிழியக்க மாவட்டச் செயலாளர் பழனிசாமி முன்னிலை வகித்தார். நகர் செயலாளர் முத்துமணி வரவேற்றார். தமிழியக்கம் பொருளாளர் மாரியப்பன், வாசகர் வட்ட நிர்வாகி ராமமூர்த்தி, அனைத்துத் துறை ஓய்வூதிய சங்க மாவட்ட செயலாளர் பாலமுருகன், கவிஞர்கள் மூரா, ரவி, எழுத்தாளர்கள் பரமசிவம், மெகபூப்ஜான், உதவித் தலைமையாசிரியர்கள் ஜாகிர் உசேன், ரகமத்துல்லா பங்கேற்றனர். தமிழியக்க பொறுப்பாளர்கள் பிரான்சிஸ், அபுதாஹிர் ஏற்பாடு செய்தனர்.