காலப்போக்கில் மேல்நிலைத் தொட்டியின், மேல் பகுதி உடைந்து தொட்டியின் உள்ளே விழுந்தது. இந்நிலையில், புதிதாக மேல்நிலைத் தொட்டி, கட்டி கொடுக்க கோரி, பொது மக்கள், பெள்ளேபாளையம் ஊராட்சி தலைவர் சிவக்குமாரிடமும், மாவட்ட கவுன்சிலர் கந்தசாமியிடமும் கோரிக்கை விடுத்தனர்.

மாவட்ட கவுன்சிலர் நிதியில் இருந்து, எட்டு லட்சத்தை மேல்நிலைத் தொட்டி கட்ட ஒதுக்கீடு செய்யப்பட்டது. இதை அடுத்து ஆனைப்பள்ளிபுதூரில் மேல்நிலைத் தொட்டி கட்டும் பணிகள் துவங்கியுள்ளன.

இது குறித்து ஊராட்சி தலைவர் சிவக்குமார் கூறுகையில்,'மாவட்ட கவுன்சிலர் நிதியிலிருந்து, 30 ஆயிரம் லிட்டர் கொள்ளளவு கொண்டு, புதிய மேல்நிலைத் தொட்டி கட்டப்பட, நிதி ஒதுக்கப்பட்டது. பொதுமக்களின் நீண்ட நாள் கோரிக்கை தீர்வு கிடைக்கும் வகையில், புதிதாக மேல்நிலைத் தொட்டி கட்டும் பணிகள் துவங்கியுள்ளன, என்றார்.