குன்னுார் தேயிலை ஏல மையத்தில் நடந்த, 38வது ஏலத்தில், '14.72 லட்சம் கிலோ இலை ரகம்; 3.80 லட்சம் கிலோ டஸ்ட் ரகம்,' என, மொத்தம், 18.52 லட்சம் கிலோ ஏலத்திற்கு வந்தது.

அதில், '12.22 லட்சம் கிலோ இலை ரகம்; 3.22 லட்சம் கிலோ டஸ்ட் ரகம்,' என, மொத்தம், 15.44 லட்சம் கிலோ விற்பனையானது.

சராசரி விலை கிலோவிற்கு, 96.48 ரூபாய் என இருந்தது. 1.55 ரூபாய் ஏற்றம் கண்டது. மொத்த வருமானம், 14.89 கோடி ரூபாய் கிடைத்தது.

கடந்த ஏலத்தை விட, 45 ஆயிரத்து 370 கிலோ வரத்து அதிகரித்தது. 1.27 லட்சம் கிலோ விற்பனை குறைந்தது; எனினும் சராசரி விலையில் ஏற்றம் கண்டது. 98 லட்சம் ரூபாய் வருவாய் குறைந்தது.

டீசர்வ் ஏலம் நீலகிரி மாவட்ட கூட்டுறவு தொழிற்சாலைகளில் உற்பத்தி செய்யும் தேயிலை துாள், டீசர்வ் ஏல மையத்தில் ஏலம் விடப்படுகிறது. இங்கு நடந்த ஏலத்திற்கு, 1.63 லட்சம் லட்சம் கிலோ வந்தது. 1.53 லட்சம் கிலோ விற்பனையானது. சராசரி விலை கிலோவிற்கு, 83.85 ரூபாயாக இருந்தது; 1.28 கோடி ரூபாய் மொத்த வருவாய் கிடைத்தது. 53 ஆயிரம் கிலோ வரத்து அதிகரித்தது.

கோவை ஏல மையத்தில் நடந்த ஏலத்தில், 4.05 லட்சம் கிலோ வந்ததில், 3.66 லட்சம் கிலோ விற்பனையானது. சராசரி விலை கிலோவிற்கு, 131.76 ரூபாயாக இருந்தது. 4.82 கோடி ரூபாய் மொத்த வருவாய் கிடைத்தது. கடந்த ஏலத்தை விட, 95 ஆயிரம் கிலோ வரத்து குறைந்தது. 92 ஆயிரம் கிலோ விற்பனை அதிகரித்தது. 1.37 கோடி ரூபாய் கடந்த வாரத்தை விட கூடுதலானது. சராசரி விலையில் ஒரே வாரத்தில் கிலோவிற்கு, 6 ரூபாய் ஏற்றம் கண்டது. கேரள மாநிலம் கொச்சி ஏல மையத்தில், 7.92 லட்சம் கிலோ வந்ததில், 7.47 லட்சம் கிலோ விற்பனையானது. சராசரி விலை, 160.70 ரூபாய் என இருந்தது. 12.01 கோடி ரூபாய் மொத்த வருவாய் கிடைத்தது.

வரத்தில், 33 ஆயிரம் கிலோவும், விற்பனை 74 ஆயிரம் கிலோவும் அதிகரித்தது. கிலோவிற்கு, 1.78 ரூபாய் உயர்ந்தது. தென் மாநில அளவில், 33 கோடி ரூபாய் மொத்த வருவாய் கிடைத்தது. வரத்து, விற்பனை மற்றும் சராசரி விலை அதிகரித்ததால் மொத்த வருவாயில் கடந்த ஏலத்தை விட, 3 கோடி ரூபாய் உயர்ந்தது.