நேற்று மதியம் 1:00 மணி முதல் மாலை 6:30 மணி வரை கோயில் முன்பாக உள்ள திடலில் வடமாடு எருது கட்டு விழா நடந்தது. பனை மட்டை நாரின் மூலமாக திரிக்கப்பட்ட நுாறு அடி நீளம் கொண்ட வடகயிற்றினை காளையின் ஒரு கழுத்தில் கட்டி மற்றொரு புறத்தை ஏராளமான மாடுபிடி வீரர்கள் கையில் பிடித்துக் கொண்டும் சென்றனர்.

குறிப்பிட்ட துாரத்தில் மாட்டின் திமிலை பிடித்து வீரர்கள் மாட்டை அடக்கினர்.

ராமநாதபுரம் சுற்றுவட்டார கிராமப் பகுதிகளைச் சேர்ந்த 55 காளைகள் கலந்து கொண்டன. கீழக்கரை போலீசார் பாதுகாப்பு பணியில் ஈடுபட்டனர். பார்வையாளர்கள் கண்டுகளிப்பதற்காக மைதானத்தை சுற்றிலும் தடுப்பு வேலி கம்பங்கள் நடப்பட்டிருந்தன.

இன்று மதியம் 1:00 மணிக்கு அன்னதானம், வடம் ஏற்றி சுவாமி கும்பிடும் நிகழ்ச்சியும் நடக்க உள்ளது. ஏற்பாடுகளை மேலவலசை விழா கமிட்டியாளர்கள் செய்திருந்தனர்.