தொழிலாளர் நல சட்டங்களை நான்கு தொகுப்புகளாக மாற்றி, மத்திய அரசு கடந்த, 2020 செப்.,22ல் திருத்தம் செய்தது. இது தொழிலாளர் உரிமைகளை பறிக்கும் கறுப்பு தினம் என தொழிற்சங்கத்தினர் கடைப்பிடித்து வருகின்றனர்.

இதன்படி, நேற்று சேலம் கோட்டை ஸ்டேட் பேங்க் ஆப் இந்தியா கிளை முன், அனைத்து தொழிற்சங்கங்கள் சார்பில் எல்.பி.எப்., சங்க நிர்வாகி பழனியப்பன் தலைமையில், கறுப்பு கொடி ஏந்தி மத்திய அரசுக்கு எதிராக கோஷம் எழுப்பினர். 100 ஆண்டுகள் போராடி, தொழிலாளர்கள் பெற்ற சட்டங்களை திருத்தங்கள் மூலம் சீரழித்து விட்டதாக தொழிற்சங்க நிர்வாகிகள் பேசினர்.ஆர்ப்பாட்டத்தில் சி.ஐ.டி.யு., மாவட்ட நிர்வாகிகள் இளங்கோ, பன்னீர்செல்வம், முருகேசன், ஏ.ஐ.டி.யு.சி.,- ஐ.என்.டி.யு.சி., யூ.டி.யூ.சி., - ஏ.ஐ..சி.சி.டி., மற்றும் ஹெச்.எம்.எஸ்., தொழிற்சங்க நிர்வாகிகள் கலந்து கொண்டனர்.