சேலம் மாநகர தாவர எண்ணெய் உற்பத்தியாளர், வணிகர் சங்கத்தலைவர் சந்திரதாசன்: மத்திய அரசின் கடந்த ஆண்டின் பட்ஜெட்டை விட, தற்போதைய பட்ஜெட்டில் புது வரி விதிப்புகள் இல்லாதது வரவேற்கத்தக்கது. மாநில அரசுகளுக்கு பிரித்து கொடுக்கும் நிதி அதிகரிக்கப்பட்டுள்ளது. வருமான வரித்துறையில் நிலுவையில் உள்ள தொகைகளை, 2010க்கு பின் குறிப்பிட்ட தொகைகள் தள்ளுபடி செய்யப்படும் என அறிவித்துள்ளது மகிழ்ச்சி.

சேலம் மாவட்ட அரிசி ஆலை உரிமையாளர் சங்கத்தலைவர் சியாமளநாதன்: இடைக்கால பட்ஜெட் வரும் லோக்சபா தேர்தலை முன்னிறுத்தியே அறிவிப்புகள் வெளியிடப்பட்டுள்ளன. தனி நபர் வருமான வரம்பை அதிகரிக்காதது, சூரிய ஒளி மின்சக்தி தயாரிப்பு, வியாபாரிகளுக்கு மானியம் வழங்காதது, வங்கிகளின் வட்டி விகிதம் குறைக்காதது, வியாபாரிகளுக்கு ஏமாற்றத்தை கொடுத்துள்ளது.

சேலம் கன்ஸ்யூமர் வாய்ஸ் செயலர் பிரபாகரன்: வளர்ச்சி திட்டங்களுக்கு உண்டான பட்ஜெட். வீடுகளில் சூரிய மின்சார மேற்கூரைகளை பயன்படுத்துவோருக்கு, 300 யுனிட் மின்சார சலுகை அறிவிக்கப்பட்டுள்ளது. உள்ளூர் வேலைவாய்ப்புகளை உருவாக்கும்படி ஆன்மிக சுற்றுலாவுக்கு பல்வேறு திட்டங்கள் கொண்டு வர உள்ளது வரவேற்கத்தக்கது. சாதாரண ரயில் பெட்டிகள், 'வந்தே பாரத்' பெட்டிகளாக மாற்றப்படும் அறிவிப்பு நாட்டை வளர்ச்சி பாதைக்கு கொண்டு

செல்லும்.

அரிசிபாளையம் ஓவிய ஆசிரியர் ேஹமலதா: நடுத்தர மக்கள் பயன்பெறும்படி அறிவிப்பு வழங்கி இருப்பது அருமை. பெண் குழந்தைகளுக்கு கர்ப்பப்பை புற்றுநோயை தடுப்பதற்கான தடுப்பூசி போடப்படும் என்பது

வரவேற்கத்தக்கது.

சுயதொழில் புரியும் கலைக்குமார்: பயிர் கடன் குறித்த சலுகைகள், புது தொழில் முனைவோருக்குரிய திட்டம் குறித்த அறிவிப்பு இல்லாதது வருத்தம் அளிக்கிறது. நாடு முழுதும் மருத்துவ கல்லுாரிகளை கட்ட குழு அமைக்க இருப்பது வரவேற்கத்தக்கது. அன்னிய முதலீட்டை அதிகரிக்க நடவடிக்கை எடுத்துள்ளது

பாராட்டுக்குரியது.