மேட்டூர், மேட்டூர் சட்டசபை தொகுதி, பா.ம.க., செயற்குழு கூட்டம், அதே பகுதியில் நேற்று நடந்தது. எம்.எல்.ஏ., சதாசிவம் தலைமை வகித்தார். அதில் மாதந்தோறும் ஒன்றிய, டவுன் பஞ்சாயத்து கூட்டம் நடத்த வேண்டும்; தொகுதியில் ஒரு லட்சம் உறுப்பினர்களை சேர்க்க வேண்டும்; மேச்சேரியில் எரகுண்டப்பட்டி ஏரி, புக்கம்பட்டி, காமனேரி ஏரிகளை, மேட்டூர் அணை உபரி நீர் திட்டத்தில் இணைக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன. மேற்கு மாவட்ட தலைவர் மாணிக்கம், ஒருங்கிணைந்த மாவட்ட அமைப்பு செயலர் துரைராஜ், மாநில இளைஞரணி செயலர் ராஜசேகரன், மேட்டூர் தொகுதி ஒன்றிய, டவுன் பஞ்சாயத்து, ஊராட்சி நிர்வாகிகள், சார்பு அணி நிர்வாகிகள் பங்கேற்றனர்.