அதேபோல் வாழப்பாடி போலீஸ் உட்கோட்ட அலுவலகத்தில், டி.எஸ்.பி., ஹரிசங்கரி தலைமையில் சமத்துவ பொங்கல் விழா கொண்டாடப்பட்டது. சேலம் எஸ்.பி., அருண் கபிலன் முன்னிலையில் வாழப்பாடி, காரிப்பட்டி,

ஏத்தாப்பூர் போலீசார், பாய்ஸ் கிளப் சிறுவர்கள், பொங்கல் வைத்தனர். தொடர்ந்து சிறுவர்களுக்கு விளையாட்டு போட்டி நடத்தி, வெற்றி பெற்றவர்களுக்கு, எஸ்.பி., பரிசு வழங்கினார்.

இடங்கணசாலை நகராட்சி அலுவலகத்தில் பெண் ஊழியர்கள் பொங்கள் வைத்தனர். நகராட்சி தலைவர் கமலக்கண்ணன் உள்பட பலர் பங்கேற்றனர். தாரமங்கலம் நகராட்சியில் நடந்த பொங்கல் விழாவில் தலைவர் குணசேகரன், துணைத்தலைவர் தனம், கமிஷனர் சேம் கிங்ஸ்டன், கவுன்சிலர்கள், பணியாளர்கள் பங்கேற்றனர். மேலும், தாரமங்கலம் நகராட்சி தலைவர் உள்பட, 27 கவுன்சிலர்கள் வழங்கிய நிதி மூலம் பணியாளர்கள், துாய்மை, ஒப்பந்த பணியாளர்கள் என, 180 பேருக்கு பொங்கல் பரிசு வழங்கப்பட்டது.