திருக்கோஷ்டியூர்: திருக்கோஷ்டியூர் சவுமிய நாராயணப்பெருமாள் கோயிலில் இன்று தைலக்காப்பு திருக்கல்யாண மகோத்ஸம் இன்று துவங்குகிறது. ஜன.27ல் பெருமாள் -- --கோதை நாச்சியார் திருக்கல்யாணம் நடைபெறும்.

சிவகங்கை சமஸ்தானத்தைச் சேர்ந்த இக்கோயிலில் தை மாதம் பெருமாள் கோதை நாச்சியார் தைலக்காப்பு திருக்கல்யாண மகோத்ஸவம் 5 நாட்கள் நடைபெறும்.

இன்று மாலை 4:40 மணிக்கு ஆண்டாள் நாச்சியார் பெரிய சன்னதிக்கு எழுந்தருளுவார். இரவு 7:30 மணிக்கு பெரிய பெருமாளிடம் பிரியாவிடை திருப்பாவை வியாக்யானம் நடைபெறும்.

நாளை காலை 8:00 மணிக்கு ஆண்டாள் தலைக்காப்பு மண்டபம் எழுந்தருளலும், காலை 9:00 மணிக்கு தைலம் திருவீதி வலம் வருதலும், காலை 10:00 மணிக்கு தைலம் சாத்துதலும், காலை 11:00 மணிக்கு நவகலச அலங்கார ஸெளரித் திருமஞ்சனமும் நடைபெறும். இரவில் திருவீதி புறப்பாடும் நடைபெறும்.

தொடர்ந்து அடுத்த இரண்டு நாட்களில் காலையில் ஆண்டாள் தைலக்காப்பு மண்டபம் எழுந்தருளலும், ஜன.27ல் மாலையில் பெருமாள், ஆண்டாள் ஊஞ்சலில் மாலை மாற்றுதலும், இரவில் திருக்கல்யாண மகோத்ஸவமும் நடைபெறும்.