சிவகங்கை மாவட்டம் நாட்டரசன் கோட்டை கிராமத்தில் தை பொங்கலை முன்னிட்டுஇரண்டாம் ஆண்டாக வடமாடு மஞ்சுவிரட்டு நடந்தது.

சிவகங்கை, ராமநாதபுரம், மதுரை, திருச்சி, திண்டுக்கல் உள்ளிட்ட பல்வேறு மாவட்டங்களை சேர்ந்த 21 காளைகள் இந்த மஞ்சுவிரட்டில் கலந்து கொண்டன.

ஒரு அணிக்கு 9 பேர் வீதம் 189 வீரர்கள் கலந்து கொண்டனர். ஒவ்வொரு சுற்றுக்கும் 25 நிமிடங்கள் ஒதுக்கப்பட்டது.

போட்டியில் வெற்றி பெற்ற வீரர்களுக்கும், அடங்க மறுத்த காளையின் உரிமையாளர்களுக்கும் ரொக்க பரிசும், கோப்பை மற்றும் பரிசு பொருட்களும் வழங்கப்பட்டது. இப்போட்டியில் காளைகள் முட்டியதில் 5 பேருக்கு காயம் ஏற்பட்டது.

காயமடைந்தவர்களுக்கு அங்கு அமைக்கப்பட்டிருந்த முதலுதவி சிகிச்சை மையத்தில் சிகிச்சை அளிக்கப்பட்டது.

வடமாடு மஞ்சுவிரட்டு போட்டியினை நாட்டரசன்கோட்டை, காளையார்கோயில், சிவகங்கை, கல்லல், மதகுபட்டி மற்றும் சுற்று வட்டார பகுதியில் இருந்து வந்த பொதுமக்கள் ஆர்வத்துடன் கண்டு ரசித்தனர்.