ஆண்டிபட்டி, : உரிய விலை கிடைக்காததால் ஆண்டிபட்டி பகுதியில் மரங்களில் பழுத்த புளியம்பழங்கள் பறிக்காமல் வீணாகிறது. ஆண்டிபட்டி பகுதியில் பிச்சம்பட்டி, கோத்தலூத்து, கன்னியப்பபிள்ளைபட்டி, கதிர்நரசிங்கபுரம், ஏத்தகோவில், மறவபட்டி, சித்தையகவுண்டன்பட்டி உட்பட பல கிராமங்களில் நெடுஞ்சாலை ஓரங்களிலும், தனியார் தோப்புகளிலும் அதிகப்படியான புளிய மரங்கள் உள்ளன. தற்போது புளி பறிப்புக்கான சீசன் துவங்கியுள்ளது. இந்தாண்டு புளிய மரங்களில் விளைச்சல் அதிகரித்துள்ளது. விளைச்சல் அதிகரித்தாலும் கட்டுபடியாடும் விலை இல்லை. இதனால் நெடுஞ்சாலை மரங்களில் ஏலம் எடுத்தவர்கள், விவசாயிகள் புளிய மரங்களில் பழங்கள் பறிப்பதை தவிர்த்துள்ளனர்.